Мало теле мисли дека е куче, откако семејство го спасило по раѓањето

Замислете дома да си чувате теле кое се однесува како куче, 18-годишната Моли има токму ваков миленик дома.

Малoто теле Хана за да биде заштитено од студот било внесено дома кај семејството на чија фарма се родило минатата зима и сега тоа мисли дека е кученце и постојано се дружи со кучињата на сопствениците.

Ова теле имало тежок почеток на животот. Родено е со царски рез и било премало за само да се грее, па неговата сопственичка, 18-годишната Моли Нортмор од Велика Британија го внела дома.

Моли вели: „Јас и Хани изградивме специјална врска. Таа е родена многу малечка и бев загрижена дека нема да преживее. Во првата седмица не ѝ ни дадовме име затоа што бевме загрижени дека нема да преживее, но сега таа стана член на нашето семејство“.

Моли вели дека се обидува да го навикнат телето да живее надвор, но тоа не сака. Омилено му било да си лежи во кучешкото креветче додека домашните гледаат телевизија.

С. С. | Црнобело