Како кучето да престане да се лигави и „да ви ги брои залците“ додека јадете?

Нашите четириножни пријатели дефинитивно се стрвни по природа.

Изгледа како вечно да се гладни, до таа мера што понекогаш нивното непрестанато лигавење и зјапање во нас додека јадеме, знае да создаде нервоза.

Па, наместо да се криете и да брзате да се најадете, работите може да ги промените и со овие навики:

1. Научете го кучето дека има строг режим и тајминг за јадење

Најголема грешка е да го храните кучето кога ќе стигнете, односно без ред и распоред. На тој начин често ќе биде гладно, а уште почесто и ќе се прејадува.

Научете го дека надвор од тој распоред – нема храна.

2. Не му фрлајте храна додека јадете

Колку и да не можете да им одолеете на кучешките очи, не паѓајте на овој трик. Правите повеќе штета, отколку услуга на кучето.

3. Отворено објаснете им и на блиските зошто не му фрлате храна на кучето

Колку и да инсистираат, натерајте ги да се придржуваат до редот и распоредот.

4. Игнорирајте го кучето додека јадете

Да, звучи грубо, но тоа е реалноста. Во спротивно, со обрнувањето на внимание, го губите сопствениот мир. Кучињата сакаат дисциплина.

5. Реагирајте идентично на проблемот

Ако во било која ситуација, кучето посегне по храна, мора да реагирате исто – со строг глас и говор на телото. Ако еднаш се смеете, еднаш се лутите, нема да постигнете ефект.

6. Бирајте здрави грицки

Не е исто дали ќе му дадете парче пица или варен зеленчук на вашето кутре.

7. Купете му забавна чинија за храна

Постојат чинии-лавиринти кои ќе му одземат многу повеќе време на вашето куче додека јаде, односно ќе му направат трик како да јаде подолго и да се чувствува посито.

M. Д. | Црнобело