Во која просторија од домот кучињата се чувствуваат најнепријатно?

Иако не е лесно кучето да го оставите само дома, понекогаш е неизбежно поради обврските.

Секое одвојување од него не е најпријатно, па дури понекогаш е и трауматично искуство, на кое треба да му пристапите внимателно.

Колку пријатно или непријатно ќе се чувствува кучето кое го оставате само дома, во голема мера зависи и од просторијата во која го затворате.

Се смета дека кучиња најнепријатно се чувствуваат кога ќе ги затворите во спалната соба, додека најпријатно им е во кујната/трпезаријата или дневната соба.

Објаснувањето е дека просториите како кујна, трпезарија и дневна соба, кучињата ги поврзуваат со пријатни моменти – јадењето на оброците, мазењето со гостите...

Од друга страна, се чувствуваат збунето кога се оставени во спалната соба, бидејќи се свесни дека таму сопственикот само спие и активностите им се ограничени. Веројатно во спалната соба нема играчки, храна и слично, па ако го затворите кучето само, нема да биде воопшто среќно.

Што значи, ако треба да го оставите кучето само, а не сакате да се движи низ целиот дом, оставете го во дневната, кујната или трпезаријата. Истовремено, не заборавајте да му оставите доволно храна и вода, како и играчки. Ако излегувате навечер, оставете ги и светилките вклучени, а некои експерти препорачуваат да го вклучите и телевизорот. 

М. Д. | Црнобело