Луѓе со срце! Кученце со парализирани задни нозе конечно може да оди, благодарение на донации

Кога има луѓе полни љубов, тогаш има и среќни кученца. Хуманите луѓе ѝ го олеснија животот на малата Пампкин со одзив на акцијата за донирање.

Кученце со парализирани задни нозе од Велика Британија, кое можело да се движи само влечејќи се на предните нозе, сега доби инвалидска количка, купена од донации.

Неговата згрижувачка Тами Фокс (41) собрала средства за да му го олесни животот на кученцето по име Пампкин, старо само 11 недели.

Пампкин конечно ќе може да трча во паркот, а Тами вели:

„Пресреќна сум. Уште не ми изгледа реално. Не очекував дека луѓето ќе донираат, трогната сум од нивната дарежливост.“

Тами ја вдомила Пампкин од прифатилиште, каде била оставена.

„Ми се скрши срцето кога видов дека не може да оди. Се вљубив во неа веднаш, а исто така и мојот сопруг и децата.“

„Памкин сака да се гали и тоа беше љубов на прв поглед“, додава Тами, која закажала и специјални прегледи за Пампкин за да може да се види дали има решение за нејзината здравствена состојба.

С. С. | Црнобело