Ново бебе лама + сите бебиња што се родија во Скопје ЗОО периодов (фото)

Принова и кај лемурите. Прстеноопашестите лемури од Мадагаскар се загрозен вид и ретко се множат во зоолошките градини, но во Скопје имаме благослов секоја година да ни се раѓаат по неколку лемурчиња. Да ни е живо и здраво бебето.

Уште едно бебе подмладок во Скопје ЗОО, имаме радост и кај ламите.

Во Скопје ЗОО после повеќе од 20 години се родија лавчиња. Голема радост на сите вработени ни донесе мама Бела пред неколку дена кога на свет дојдоа три бебиња лавчиња. Мајката Бела која во Скопје дојде од Германија е постојано со нив и деноноќно се грижи за лавчињата. Таткото Чака пак потекнува од Франција, а жител на Скопје ЗОО е од 2020 година. Сите вработени се сложни дека ова е една од најубавите работи кои се случиле во Зоолошка градина Скопје и постојано внимаваме мајката и малите да се безбедни и да ги имаат сите услови во внатрешното живеалиште каде што моментално се под постојан надзор.

По речиси еден месец од раѓањето, малите бебиња супер напредуваат. Мама Бела, но и тимот кој се грижи за нив, постојано се посветени на лавчињата.

Малото гибонче Мики веќе го доби новото крзно и најмногу ужива кога е во прегратките на мама.

С. С. | Црнобело

Фото: Горан Анастасовски - Скопје ЗОО