7 вежби за рамен стомак за кои не треба да станете од столот

Ако сте од оние помрзливите, но сепак сонувате за рамен стомак, тогаш сигурно ќе ви се допаднат овие вежби.

Сите сакаме да сме во добра форма, но малкумина се доволно мотивирани за редовно да вежбаат.

Седум вежби за рамен стомак кои можете да ги правите седнати на стол:

Прва вежба

Со оваа вежба ќе ги загреете мускулите и ќе се подготвите за остатокот од тренингот.

Седнете на работ на столот со исправен грб и поставете ги рацете на нозете.

Бавно навалете се кон назад – треба да почувствувате затегнување во стомачните мускули.

Пробајте да не се навалите целосно и останете во положбата неколку секунди.

Вратете се во првобитната положба.

Направете 10 до 12 повторувања.

Втора вежба

Со оваа вежба ќе ги зајакнете страничните стомачни мускули, а со тоа половината ќе ви биде послаба.

Почетната положба е иста како и првата вежба.

Свиткајте ги рацете и ставете ги дланките зад главата, како на илустрацијата подолу.

Бавно свртете го горниот дел од телото кон десно без да го движите долниот.

Останете во истата положба неколку секунди, па свртете се кон лево.

Направете по 10 повторувања за секоја страна.

Трета вежба

Оваа верзија на класичните „стомачни“ може да биде исто ефикасна ако сте упорни.

Седнете на столот со исправен грб и ставете ги дланките зад главата.

Со исправен грб бавно навалете се кон напред, па вратете се во почетната положба.

Осигурете се дека движењето ќе го изведувате само со помош на стомачните мускули.

Направете 15 повторувања.

Четврта вежба

Оваа вежба ги активира предните и страничните стомачни мускули, а притоа е добра и за колковите.

Седнете на стол со исправен грб.

Кренете ја едната нога свиткана и со дланките фатете го коленото како на илустрацијата подолу.

Држете неколку секунди, па спуштете ја ногата.

Направете по 15 повторувања за секоја нога.

Продолжува на следната страница...