Прашувам за пријател: Со партнерот не сме имале секс една година - дали е тоа проблем? (18+)

Не паничете, причини за ова може да има многу, како грижата за децата, стресот од работа, тага поради нечија смрт/болест, рутина и недостиг од страст и низа други фактори.

„Со партнерот не сме имале секс една година - дали е важно тоа за врската? Штети ли?“- прашувам за пријател...

Ви се случило ли вака да пристапите кога советот всушност ви е потребен за самите вас, но ви е незгодно да прашате.

Ве мачи ли тоа? Кејт Мекензи, експерт за секс и врски, од Велика Британија говори на темата...

Таа вели дека сосема е нормално да минувате низ периоди од врската кога имате помалку секс, но тоа не треба да ве паничи.

Но, што кога тоа трае долго, па дури и една година?

Не паничете, причини за ова може да има многу, како грижата за децата, стресот од работа, тага поради нечија смрт/болест, рутина и недостиг од страст и низа други фактори.

Тоа што е важно е како вие се чувствувате во врска со тоа и што кажува тоа за вашата врска.

„На некои луѓе им е сосема во ред и со и без секс во врската, тие се чувствуваат безбедно, поврзано и посветено еден на друг“, вели Кејт Мекензи, експерт за секс и врски.

Но, таа споделува дека е проблем кога недостигот од секс асоцира на недостиг од поврзаност и кога двајцата партнери се чувствуваат различно во врска со тоа.

„Мора да седнете и да разговарате со партнерот, што функционира, а што не за вас двајца и да сфатите како да направите да функционира за двајцата. Најважно е да си кажете како се чувствувате поради недостигот од секс и да процените што мислите дека ве довело до таа ситуација.

Понекогаш мора да направите директно барање до партнерот од типот ‘Сакам да одиме на викенд, со масажа и секс’ или пак индиректно – да резервирате вечера во ресторан, да облечете секси облека итн.“.

Во долгите врски задолжително е да работите на тоа за да ја одржите искрата жива.

Кејт споделува неколку совети за тоа:

1. Поврзете се одново емоционално – мора да се чувствувате безбедно за да имате желба за секс, мора да се чувствувате слушнато и разбрано за да сакате секс.

2. Поврзете се физички, но без притисок – милувајте се, допирајте се, минувајте време голи, без притисок да правите нешто повеќе.

3. Разгорете го огнот правејќи совршено расположение – не може да се чувствувате ненадејно секси, но може ако се средите, ако флертувате, ако организирате некоја забавна заедничка активност.

С. С. | Црнобело / фото: depositphotos.com