9 афродизијаци за подобар секс

Уште од античко време храната силно била поврзувана со сексот – со помош на храната се зголемува сексуалната издржливост, се подобрува...

...и либидото. Целерот, авокадото, јајцата и медот се само некои од намирниците кои ќе ви го подобрат сексуалниот живот.

Бадеми
Бадемите содржат здрави маснотии кои му помагаат на мозокот подобро да функционира. Всушност тие здрави масти се одговорни за произведување на машките хормони. Исто така истражувањата покажале дека мирисот на бадемот кај жените буди сексуална возбуда.

Авокадо
Ацтеките, дрвото на авокадото го нарекувале "ahuacatl" што значи „дрво на тестиси“. Научно тој назив е потполно оправдан. Имено, авокадото го буди либидото и кај мажите и кај жените. Некои велат дека нема подобар афродизијак.

Целер
Овој зеленчук сигурно не ви паѓа прво на памет кога размислувате за сексот, но целерот може да биде одличен извор на сексуално возбудување. Тој содржи андростерон, машки хормон кој се ослободува со потта и кој наводно силно ги возбудува жените.

Лук
Да, дури и лукот спаѓа во супер намирници кои го подобруваат сексуалниот живот. Тој содржи алицин, хемикалија која го зголемува протокот на крвта во половите органи.

Смокви
Ова рајско овошје е богато со аминокиселини кои го зголемуваат либидото. Смоквите наводно  ја подобруваат сексуалната издржливост. Свежите смокви отсекогаш се доживувани како многу „сензуални“.

Јајца
Јајцата се богати со витамините Б₆ и Б₅ кои помагаат во одржувањето на стабилното ниво на хормони задолжени за стрес и за борба. Станува збор за хормоните кои се клучни за здраво функционирање на либидото. Некои јадат и сирови јајца за да го зголемат либидото и да ја зголемат енергијата во телото.

Банани
Ова популарно овошје го содржи ензимот бромелин кој го зголемува машкото либидо. Богати се со калиум и рибофлавин кој дава енергија. Бананите, секако помагаат и при проблеми со импотенција.

Чоколадо
Најдрагата намирница на многумина го содржи алкалоидот теобромин кој е сличен на кофеинот и фенилетиламинот. Всушност тој алкалоид е одговорен за чувството на заљубеност. Чоколадото се смета и за намирница која потсетува на секс.

Мед
Оваа слатка намирница содржи борон кој помага при создавањето на женскиот хормон, естроген. Исто така докажано е дека медот го подига нивото на тестостеронот кај мажите. Медот често се користи и во сексуалните игри.