„Дали жената треба да му каже на партнерот со колку мажи спиела?“ (18+)

„Па, не е поп за да му се исповедам“, гласи еден од хит одговорите на Србинка на прашањето „Дали жените треба да му кажат на партнерот со колку мажи спиеле претходно?“... Кој е вашиот став на темата?

Ставовите секогаш се поделени кога се зборува на темата „Дали жените треба да му кажат на партнерот со колку мажи спиеле пред него?“, па српскиот магазин „Задоволна“ на својата Фејсбук страница ги праша своите читателки кој е нивниот став.

Дел од одговорите гласат:

„Па, тој не е поп да му се исповедам“.

„Мажот кој те сака и е сигурен во себе нема ни да те прашува такви работи“.

„А, мажот ќе ѝ каже искрено на партнерката со колку жени спиел?“

„Минатото нема врска, навистина нема потреба од такви прашања“.

„Јас се омажив на 24 години и сè си раскажавме искрено еден на друг, но по 40 години брак тој мене почна да ми ги префрла тие работи, а претходно никогаш... Испадна дека всушност си фатил љубовница, па нападот му беше најдобра одбрана“.

„Тоа само би внело немир во врската, замислете да почнеме да си раскажуваме сè за нашите поранешни партнери“.

„Зошто тоа би го интересирало, па секој има право на свој избор и живот? Ако сме во добра врска, зошто е важно што се случувало претходно?“

Кој е вашиот став на темата?

С. С. | Црнобело / фото: Depositphotos