Сексот е здрав - само ако не изневерувате

Сексот не го зголемува ризикот од инфаркт, дури ни кај пациенти кои веќе го имале, но оженетите мажи кои што имаат млада љубовница би требало да внимаваат.

Повеќето срцеви болни можат слободно да имаат сексуални активности, бидејќи тие незначително го зголемуваат ризикот од срцев удар, соопштила американската лекарска асоцијација која се занимава со коронарни заболувања.

Во соопштението на Американската асоцијација за срце се наведува дека нејзиниот совет се однесува и на здравите луѓе и на оние со проблеми со срцето.

Секс можете да имате веќе по недела дена откако сте имале благ срцев напад – ако пациентот може да помине неколку скалила без непријатности, наведува асоцијацијата и додава дека виаграта и другите помагала за еректилна дисфункција генерално се безбедни за луѓе чие срцево заболување е стабилно.

Ова е првата научно поткована препорака во врска со проблемот кој ги мачи оние што преживеале срцев удар, како и другите со некој друг вид срцево заболување.

Од една страна, оние што ќе доживеат срцев удар имаат поголеми шанси да имаат и втор, а од друга страна нема докази дека тие се поподложни да го доживеат ударот за време на сексот во споредба на здравите луѓе.

Лекарската асоцијација во истражувањето ги допрела и „пикантните“ теми. На пример, оженетите мажи имаат поголем ризик од срцев напад кога имаат секс со помлади љубовници во опкружување на кое не се навикнати – поради стрес.

Заклучокот е...сексот е здрав, ама...