9 ужасни работи кои нарцисоидна личност би ги кажала на партнерот (ако беше искрена)

„Не те сакам, туку сакам да те контролирам“, „Никогаш нема да се променам, ама ќе те терам да веруваш дека можам“, „Не сакам ментално да закрепнеш. Сакам да останеш скршен/а“...

Нарцисоидните личности знаат да глумат дека имаат добра страна и дека вредат за да се вложи труд во нив, но вистината e поинаква.

Со лажна искреност ќе ветуваат промени, но тоа е само начин да го задржат партнерот зависен од нив.

Манипулираат, но тие никогаш нема да се променат.

Ужасни работи кои нарцисоидна личност би ги кажала на партнерот (ако беше искрена):

„Не те сакам, туку сакам да те контролирам“

За нарцисоидните личности, љубовта е алатка за манипулација и контрола, не вистинска емоција.

„Се грижам само кога ми одговара“

Тие се грижат само кога имаат лична корист. Сè друго е глума.

„Не сакам ментално да закрепнеш. Сакам да останеш скршен/а“

Нарцисоидните луѓе сакаат партнерот да биде зависен од нив и без самодоверба.

„Јас не треба да се променам — ти треба“

За нив, секој проблем е вина на другиот. Немаат никаква самокритика или одговорност.

„Тебе ќе те обвинувам за сè, само да не преземам вина“

Бегањето од одговорност е заштитен знак на нарцисоидниот карактер.

„Треба да бидеш среќен/а што сум со тебе“

Веруваат дека се премногу добри за својот партнер и не го ценат.

„Не те почитувам, ама ми треба да веруваш дека те почитувам“

Почитта е лажна, само за да добијат што сакаат.

„Ќе правам само што сакам, а ти ќе мораш да се помириш со тоа“

Нема компромис, само нивни правила.

„Никогаш нема да се променам, ама ќе те терам да веруваш дека можам“

Тие создаваат лажна надеж за промена за да ја задржат контролата.

С. С. | Црнобело / фото: depositphotos.com