Направен е прстен кој го отежнува изневерувањето

Се сомневате дека вашиот маж ве изневерува? Повеќе нема причини за грижа бидејќи на страната TheCheeky.com можете да купите прстен кој го спречува изневерувањето, пренесува Huffingtonpost.

Се прашувате како?

На внатрешната страна од прстенот е гравиран натпис „Оженет сум“, па откако ќе се симне прстенот, на прстот може да се види втиснат зборот и не може лесно да се сокрие статусот.

Цената е вистинска ситница во случај да мислите дека на овој начин ефикасно ќе се осигурите против потенцијалната измама бидејќи прстенот чини само 550 долари.

„Го создадовме овој прстен  за луѓето кои се склони кон изневерување. Ако на пример, измамникот се најде во друштво на привлечни личности во некој клуб, симнувањето на прстенот нема да биде ефикасна опција“, стои во службениот опис на прстенот. 

Kolin Hart, ПР на TheCheeky.com, тврди дека при изработка на прстенот биле инспирирани од „швалерите“ како што се Тајгер Вудс и Арнолд  Шварценегер.