Очите ја откриваат сексуалната ориентација

Било да сте стрејт, геј или нешто помеѓу, вистината за тоа кој ве привлекува се крие во вашите очи.

Дилатацијата на зениците е показател на сексуалнта аориентација, открива нова студија. Кога луѓето гледаат еротски слики и се возбудуваат, нивните зеници се шират поради несвесната реакција која може да се користи за проучување на сексуалноста и возбудата без да се користат инвазивни генитални мерења.

Значи, ако мажот е стрејт неговите зеници ќе се шират на жени, а ако е геј на мажи. Научниците набљудувале 165 мажи и 160 жени, вклучувајќи геј, стрејт и бисексуални учесници. Доброволците гледале одвоени едноминутни видеа на маж како мастурбира, жена како мастурбира и неутрални сцени од пејсажи. 

Камерата која го следи погледот ги снимала зениците и ги мерела малите промени во величината на зеницата.

Резултатите се поклопиле со возбудувањето мерено преку гениталиите. Што се однесува до мажите се е јасно: стрејт мажите реагираат на сексуални слики од жени, а геј на сексуални слики од мажи. Бисексуалните мажи и на мажи и на жени.

Кај жените работите се посложени. Кај стрејт жените измерено е исто проширување на зениците на еротски слики од обата пола и покрај тоа што навеле дека ги возбудуваат мажи, а не жени. Истражувачите не се сигурни зошто се случува ова.