Во што е разликата помеѓу среќните и несреќните парови?

Според новата студија, жените значително почесто од мажите, за проблемите во врската го обвинуваат партнерот, а истражувањето покажало дека паровите кои што разговараат за проблемите се многу посреќни. Најчести причини за расправија во врската се парите, алкохолот и поранешните партнери.

Жените, многу почесто од мажите, го обвинуваат партнерот за проблемите во врската, покажала студијата, а стручњаците утврдиле и дека оние кои што се незадоволни од односот со партнерот повеќе време поминуваат размислувајќи како се несреќни и лути, додека среќните парови разговараат за проблемите.

Професорката за комуникација на Универзитетот во Тексас, Анита Вангелисти, која била на чело на ова истражување вели:

- Кај среќните парови додека едниот партнер размислува за расправијата, за причината за несогласувањето или лутината, другиот почесто се насочува кон размислувањето како да го реши проблемот и да го разбере својот партнер.

Професорката Вангелисти вели дека мислите кои што ги имаме во текот на расправијата го одразуваат и го обликуваат нашето лично задоволство од врската и може да делуваат на среќата на партнерот.

Истражувањето е спроведено на 71 млад невенчан пар кои биле во врска најмалку три години. Резултатите на истражувањето покажале дека паровите најчесто се караат поради пари, бивши партнери, консумација на алкохол и поради пријатели и роднини кои не ги одобруваат нивните врски.

Истражувањето покажало и дека паровите кои што се во несреќни врски во текот на рапсравијата не сакаат да го сменат своето мислење, ниту да попуштат па многу често ја менуваат темата за расправија. Исто така нивните расправии за истите проблеми често се повторуваат.