Не мора да кажете сè: 8 тајни кои ја прават врската поцврста

Тајните не се најдобар пријател на хармоничната и здрава врска, но понекогаш искреноста може да направи поголема штета.

Овие 8 тајни нема да ја нарушат хармонијата, туку само ќе ви помогнат да ги избегнете бесмислените кавги.

Кога треба да премолчите?

1. Кога неговиот пријател/нејзината пријателка е згоден/згодна - Ако тоа е повеќе од очигледно, нема потреба ниту да го повторувате, ниту пак да не ги одлепувате очите од него или неа.

2. Кога ќе му/и го пребарате бившиот партнер на социјалните мрежи - Нема да имате никаква полза ако признаете дека ве интересира што правела неговата бивша или нејзиниот бивши дечко.

3. Кога сте го доживеале најдобриот секс – Освен ако не е со сегашниот партнер, подобро е да премолчите.

4. Големата љубовна приказна која сте ја пропуштиле – Дечкото или девојката што некогаш го/ja откачивте сега изгледа како холивудска ѕвезда, има одлична работа и живее на висока нога? Нема потреба од навлегување во детали. Можеби ќе се запрашате како ќе ви изгледаше животот ако останевте со него/неа, но не мора тоа да биде на глас.

5. Ја мразите неговата омилена маица/нејзиниот омилен фустан – Оставете го другиот да ужива во тоа што го сака, не мора баш се да биде по ваше. И тоа е добра жртва.

6. Не поднесувате некој негов пријател/нејзина пријателка – Доколку немате некоја очигледна причина, подобро е да остане тајна.

7. Друг дечко/друга девојка ви го побара телефонскиот број – Ова е буквално како да барате партнерот да се посомнева во вашата верност. Освен ако не сакате да добиете љубоморни сцени, држете го јазикот зад заби.

8. Кога сте изглумиле оргазам – Зошто глумевте ако планиравте да му/и кажете?