Како да ја преживеете првата средба со бившиот?

Знаете дека некогаш ќе се сретнете, па дури и ако мислите дека сте потполно подготвени за соочување, во повеќето случаи првото сретнување по раскинувањето знае да биде чуден и непријатен.

Еве како да го преживеете без преголем стрес:

Не мора да се сретнете

Секогаш имајте на ум дека е во ред да го игнорирате бившиот ако го видите и помислите дека не сте подготвени за сретнување. Само внимавајте тој да не ве забележи. Ако можете да си заминете пред да ве улови со поглед, направете го тоа без многу размислување.

Не се трудете премногу

Бидете смирени и не нагласувајте колку ви е супер откако не сте заедно. Кратко поразговарајте, слушајте ако има нешто да ви каже и тргнете по својот пат. Ако се задржите предолго, ризикувате да навлезете подлабоко во проблемот.

Бидете љубезни

Ако е со нова девојка, бидете љубезни и однесувајте се нормално, а не како таа да ви пречи. Сепак, не претерувајте со воодушевувањето, затоа што лажните комплименти секогаш се познаваат.

Треба да си отидете први

Најдобро е ако вие го иницирате заминување и кажете дека некаде брзате, затоа што само така ќе делувате дека достоинствено сте ја поднеле разделбата, и покрај тоа што срцето ви се кине заради повторното сретнување.