Што би ви кажала бившата, ако не се срами?

Речиси и да не постои маж кој се прашува што се случува моментално со неговата бивша? Дали има нешто што сака да ми каже? Дали има нешто што не знам?

Кога женското срце не би било така срамежливо, еве што би ви признало:

1. Често сакам да ти се јавам

Без разлика дали се случува нешто убаво или лошо, таа има потреба да го сподели истото со вас. Ако ништо друго, од навика. Секоја шега која ја потсетува на вас и вашите интереси, веројатно и го буди истото чувство.

2. Станувам нервозна кога ќе видам автомобил како твојот

Потајно секоја жена се надева дека е бившиот кој доаѓа ненајавен. И неверојатно е болно што веќе не ја враќате и земате од дома.

3. Конечно научив да...

Без разлика дали станува збор за подготвување на некој специјалитет или едноставно научила да се паркира без ваша помош, потајно посакува да ви се јави и да ви ја каже оваа информација. Посебно ако се работи за нешто што постојано сте ја опоменувале.

4. Времето по раскинувањето беше многу подолго отколку што мислев

Секоја жена мисли дека како и секоја промена, така и онаа на статусот е привремена и поминува брзо. Но, откако ја искусила, сигурно сака да ви каже колку многу време и требало да се навикне.

5. Ми недостигаш

Иако не би требало, бидете сигурни дека и недостигате. Понекогаш посакува да сте заедно и секојдневно се прашува дали и вие го чувствувате истото.

Девојки, нешто да додадете?