Како од пријател да ѝ станете момче?

Ако се обидувате да се зближите со девојката која ви се допаѓа, правите сè за да ѝ се додворите, но таа сепак ви се обраќа како на другар или брат, време е да излезете од пријателската зона.

Многу лесно може да се најдете во ваквата зона, со оглед на тоа што девојките сакаат да играат игри во кои лесно им е да ви бидат пријателки, а од друга страна сакаат да ве заведуваат без да ви признаат.

Ако сакате навреме да ги избегнете ваквите сплетки, следете ги следните совети:

- Бидете ѝ пријател, но не се однесувајте како останатите. Не зборувајте со часови за нејзините животни проблеми.

- Разговарајте за местата на кои била, филмовите кои ги гледала и плановите за викенд. Зборувајте за она што би зборувале доколку сте на состанок со девојка, за да ја почувствува хемијата.

- Ако сте во поголемо друштво, зборувајте со неа само ако морате. Кога ќе останете сами употребете го сиот шарм зада ја заведете. Ако некој ви се придружи, пошегувајте се: „Ех, а таман мислев дека конечно ќе бидеме малку сами“, и насмејте се гласно. Сигурно барем еднаш ќе се запраша дали се шегувате или сте сериозни.

- Дајте ѝ комплимент секогаш кога можете. Ако ве забележжи дека зјапате  во неа, извинете се, насмевнете се и признајте ѝ дека не сте можеле да одолеете. Со неколку забавни досетки, никогаш нема да падне во „пријателската зона“.

- Кога сте заедно однесувајте се како да ви е девојка. Фатете ја за рака додека поминувате улица или отворете ѝ ја вратата за да влезе во автомобилот. Направете да се чувствува како кралица кога сте заедно, а во друштво избегнувајте го сето ова.

- Кога разговарате долго, во текот на разговорот тргнете се настрана и прашајте ја за да излезете на само, но брзо сменете ја темата. Ќе изгледа како да се шегувате, но ќе биде доволно за да се запраша дали сака почесто да излегува со вас.