Открил дека неговата жена го изневерува и изнајмил детектив, па приказната ја споделил на интернет

Приказната на еден анонимен блогер кој изнајмил приватен детектив и открил дека жената го изневерува, тој самиот ја објави на Reddit и ја сподели со околу 15.000 лица.

Сè започнало кога ги открил пораките во телефонот на неговата сопруга.

- Жената ме изневерува а како доказ ги имам пораките од нејзиниот телефон, иако таа не знае дека знам, напишал во првиот пост.

Тој и неговата жена Џени биле во брак 8 години.

- Најдов фотографии на кои двајцата се голи, а открив дека обично се допишуваат помеѓу 1 и 4 часот наутро, кога јас спијам. Таа ме изневерува. Постојано зборуваат за позите кои сакаат да ги пробаат и планираат да се видат овој викенд. Таа не знае дека и го проверив телефонот. Сега не знам што да правам. Иако немавме големи проблеми, ме изневерува.

Разочаран од ситуацијата, поставил прашање до сите кои ја читаат неговата приказна.

- Дали да и кажам дека знам? Или само да одам од дома и да поднесам барање за развод? Ја сакам. Ги фотографирав пораките и си ги пратив на мејл. Се чувствувам како некој да ме пукнал во стомак.

Кога неговата жена се вратила дома, тој се преправал дека сè е во ред.

- Тешко ми е да зборувам нормално со неа, но некако успевам. Без секс. А пронајдов и 3 добри адвокати за развод. Моментално е во бањата и повторно се допишува. Сигурно повторно си праќаат фотографии. Многу ме боли.

Следниот негов чекор бил приватниот детектив кој го известувал каде оди и што прави.

- Се најдоа пред неговиот стан, се бакнаа и влегоа. Изневерувањето сега е потврдено. Приватен детектив ги шпионира. Редовно ме известува, а јас останав без зборови, напишал очајниот сопруг.

Целата оваа приказна ја следеле околу 15.000 корисници на Reddit и го советувале што да прави.

На крајот, се соочил со својата сопруга.

- Не помина добро. Викање, бес, тага, плачење, објаснување...

Последен пат се огласил на 18 јануари, кога споделил дека поминува низ болен развод.

- Голем дел од мојот живот се распаѓа. Но, ќе најдам начин да се изборам. Можам. Ќе ви пишам штом сум малку посилен, гласи неговата последна порака.