2 Зборчиња кои не треба да ги користите во разговор со партнерот

Ако овој наслов ви звучи заповеднички, тогаш во право сте, но постои добра причина зошто е тоа така.

Постојат многу зборови кои на мажите едноставно им пречат и не сакаат да ги чујат, но и онакви кои можат да ја нарушат стабилноста на врската.

Двете „најопасни” зборчиња на кои мора да се фокусирате се токму овие: „Би требало”.

- „Би требало почесто да миеш садови.”

- „Би требало почесто да излегуваме.”

- „Би требало да имаме секс секој ден.”

Дури и кога ги изговарате со најдобра намера и цел, овие зборови звучат како заповед и во себе кријат нота на осудување и критика. Со други зборови, почетокот на разговорот со овие зборови е симбол на неуспех. Така обично започнуваат и проблемите.

„Би требало” кај вашиот партнер создава лошо чувство и тој започнува да мисли дека не е доволно добар за вас, а реакцијата најчесто е напад или самоодбрана.

Затоа е најдобро да ги избегнувате зборовите кои можат да создадат кавги и да го кажете тоа што искрено го мислите, но на позитивен начин.

Најпрепорачливо е да се користат така наречените „Јас реченици”, кои ќе осигураат да се пренесе јасна порака.

Наместо да кажете „Би требало почесто да ми се јавуваш”, кажете му нешто вакво: „Јас се чувствувам тажна кога те нема цел ден да ми се јавиш, бидејќи имам впечаток дека не мислиш доволно на мене”.