7 основни причини за некој да се заљуби во вас

Секој барем еднаш бил заљубен и ја почувствувал магијата на привлечноста, исполнетоста и возбудата. За сето тоа клучна е енергијата или т.н. хемија која струи помеѓу двајца вљубени.

Но, постојат 7 основни причини за некој да ја почувствува вљубеноста:

1. Ако сте многу слични

Познатото „спротивностите се привлекуваат“ се чини дека сè помалку се потврдува и повеќе важи тоа дека партнерите кои имаат слични особини имаат и слични ставови кон животот што им го олеснува секојдневието и им помага подобро да се разберат.

2. Ако личите на неговата мајка или нејзиниот татко

Утврдено е дека најмногу нè привлекуваат луѓе чија боја на очи е слична со онаа на некој од родителите. Забележано е и дека на девојките кои се родиле кога нивниот татко имал нешто повеќе од 30 години, подоцна како партнер одбираат повозрасни мажи, а момците, пак, бираат девојки со слични црти на нивната мајка.

3. Ако имаат мирис кој им одговара

Според студиите спроведени на Универзитетот Southern California за време на овулацијата на жената го сакаат мирисот на облеката на мажот со високо ниво на тестостерон и преферираат машки ликови со изразена вилица.

4. Зависно од висината на гласот

Вашиот глас сигнализира дали сте заинтересирани. Жените го продлабочуваат гласот кога се заинтересирани, додека кај мажите ситуацијата е обратна.

5. Ако се гледате во очи барем две минути

Дури и ако не се познавате со некоја личност, клучен тест за тоа дали ве привлекува е доколку издржите барем 2 минути да се гледате во очи. За тоа време или ќе почувствувате обострана силна привлечност или ќе останете рамнодушни.

6. Ако имате куче

Луѓето кои имаат куче се многу попривлечни во очите на спротивниот пол. Домашното милениче асоцира на верна и одговорна личност.

7. Ако свирите гитара

Музичката дарба влијае на привлечноста. Особено кај девојките е карактеристично дека полесно може да бидат освоени од момче кое ќе им пријде со гитара, отколку кога им приоѓа момче со спортска торба.

Пронаоѓате некоја карактеристика кај себе или партнерот?