Како треба да изгледа совршената жена според мажите?

На многу жени сексапилот им е мистерија. Мислат дека тој се постигнува со многу шминка, совршена фризура, големо деколте и минијатурно здолниште. Но, сексапилот има потполно поинакво значење за мажите.

Се прашувате како изгледа совршената жена во очите на сите мажи? Еве го одговорот:

Вистинска облека

Сите жени мислат дека мажите сакаат длабоко деколте и мини здолништа. Можеби се вртат по разголени жени, но покрај себе сакаат покриена и по малку мистериозна жена. Тие го сакаат моментот на таинственост и изненадување.

Говор на телото

Ако жената е подгрбавена, често гледа во земјата или има спуштени раменици, делува многу постаро и изморено. Од друга страна, жената која оди исправено и со крената глава делува многу посамоуверено, а мажите сакаат жени со голема самодоверба. Освен тоа, исправените жени делуваат послабo.

Боја на глас

На мажите им се привлечни девојки кои зборуваат потивко и подлабоко, затоа што тој тон го сметаат за посензуален. Исто така, ги сакаат и жените кои знаат да се смеат искрено, но не премногу гласно. Што значи, не сакаат многу кикотење, туку женствена насмевка на која нема да и одолеат.

Насмевка полна живот

Нема ништо подобро од насмеана жена, тврдат сите мажи. Ако зад добро негуваните усни се кријат убави заби, тоа е добитна комбинација. Едно истражување покажало дека мажите повеќе сакаат насмеани жени без шминка, отколку совршено нашминкани сериозни жени.

Заводничка коса

Важно е косата да биде негувана и чиста. Според многу изјави на мажите, тие се привлечени од жени кои знаат да си играат со косата и да ја префрлаат на страна. Едноставно, тие жени им се посекси.

Самодоверба

Сè од горенаведеното не значи ништо, без самодоверба. Самодовербата не е ароганција и дрскост, туку способност да ги прифатите сите свои доблести и мани. Токму тие се тие жени за кои мажите знаат да кажат дека го имаат „она нешто“.