Моето момче е совршено... и затоа сакам да го оставам

„Моето момче е прекрасно. Навистина, апсолутно е совршен. И затоа се плашам да раскинам со него...“, започнува да раскажува една девојка која долго време е во агонија, која веројатно на многумина нема да им биде јасна.

Ова е нејзината приказна...

„Минатата недела ми ја испегла облеката затоа што знаеше дека цела недела ќе бидам преокупирана со работа. Минатата ноќ ме донесе до дома на грб затоа што ме болеа нозете. Без никакви проблеми станува и ги мие садовите по вечерата.

Како што ви реков, навистина е совршен... И сакам да раскинам со него.

Не можам да наведам ниту една причина зошто. Не постои конкретна причина. Иако таа помисла постојано ми е на памет, таа потреба да побегнам, да излезам од сопствената кожа и совршената љубов.

Ќе го повредам, ќе му го скршам срцето и ќе ги уништам нашите животи заради еден мал хир.

Тој заслужува подобро по овие 7 години кои ги поминавме заедно. Заслужува причина.

Но, јас ја немам. Не се чувствувам погрешно кога сум со него. Ние сме целосно формиран пар во врска која е лесна и преполна со задоволства.

И баш заради тоа имам живописни фантазии во кои го затекнувам со друга жена или како тој вика на мене и вербално ме повредува... Тогаш барем би имала причина да го оставам.

Попрво би била повредена отколку да си ја гушам сопствената среќа.

Се плашам да го напуштам. Ужасно ми е тешко како нашите пријатели и семејства ќе го прифатат тоа. Се плашам затоа што немам што да кажам.

Жал ми е, те сакам, ме правиш среќна, но понекогаш мислам дека сум посреќна без тебе... Не ми звучи како добра причина.

Сепак мислам дека заслужувам среќа. Вистинска, потполна, апсолутна среќа која ќе ми го скокотка стомакот.

Верувам дека нема да ме разберете и дека ќе ме осудите... Но, само замислете си каков би ви бил животот без онаа единствена работа која ви го забрзува чукањето на срцето.“