Љубовен експеримент: Останав со момчето што ме изневерува за да видам што ќе се случи на крајот

Навидум сè изгледаше убаво и среќно, се согласувавме, не се каравме и сè беше во ред. Дури по малку и чудно колку едноставно изгледаа работите. И секогаш кога ете така нешто ќе почне да те копка дека е премногу добро за да биде вистинито, тогаш се случува нешто поради кое почнува сè да се распаѓа.

Така се случи и кога првпат дознав дека ме изневерува. Срцето ќе ми излеташе од шок. Се тресев цела, не знаев како да реагирам, па почнав да се преправам дека ништо не се случува. Ми требаше време за да прифатам дека е крај.

Одлучив да глумам дека сè е во ред за да видам до каде ќе оди тој,  а и за да видам колку од сето тоа можам да спасам или поправам.

Моето его беше распаднато, но од инает имав потреба да почувствувам дека му е важно да не дознаам, дека ќе се обиде да се извини, дека ќе сака да ме заштити или дека ќе успеам да направам нешто без да знае и да го премислам.

Се надевав дека ќе се промени.

Тој се трудеше да се однесува максимално коректно и добронамерно. Но, сега веќе знаев на што мисли кога вели дека ќе излезе со другарите или колегите. Знаев дека ќе оди со неа.

Се трудеше да ми обрне внимание и мене, колку да ме залаже за да не се посомневам, но јас веќе знаев сè. Само го чекав и го гледав до каде ќе оди.

Се допишуваше со неа, го забораваше телефонот, ги читав пораките. Не беше воопшто лесно, но веќе бев подготвена на сè и не беше нешто неочекувано. Само требаше да се проголта.

Не знам што чекав уште, зошто останував, па дури со сиот разум решив да му покажам уште еднаш колку го сакам, да се обидам да му ја дадам сета љубов и да не му биде потребна друга.

Не ме одби, но никогаш не му бев доволна. Тој ја земаше сета моја љубов, ја пиеше до последна капка и се вртеше на секоја друга страна каде можеше да најде уште некоја.

Никогаш не се премисли и не престана да се гледа со други. Тогаш сфатив дека немам зошто да се трудам околу некој себичен што не знае да ме цени.

Веќе знаев дека е бесчувствително ѓубре, само зошто изгубив толку време?

Барем се обидов, почекав и си потврдив неколку работи кои сакам да ги слушне секоја девојка:

1. Мажите скоро никогаш не ги менуваат своите ставови и нема ништо магично да им се случи од воздухот.

2. Најчесто мислат повеќе со половиот орган отколку со главата.

3. Твоите чувства никогаш не им се приоритет.

4. Верувај ѝ на интуицијата, секогаш е во право.

5. Никогаш не му се предавај целосно. Заштити се за да не те искористат.

6. Натерај ги да те заслужат.

7. Не се потценувај.

8. Не ја обвинувај другата. Ако твоето момче те сака и ти е верно, никогаш нема да биде заведено.

9. Сакај се себеси најмногу, зашто никој друг нема да те сака повеќе.