Тој сака секс, таа сака љубов

Ви звучи познато? Ова е една од постојаните битки на полето на интимноста. Често се вели дека мажите даваат љубов за да добијат секс, а жените...

 

...го прават спротивното. Ова создава бојно поле во кое, и едните и другите се чуствуваат изнудено.

Секако, секој маж и секоја жена се комплетно индивидуални во своите размислувања, сфаќања и потреби во однос на љубовта и сексот.

Понекогаш жените се послободни во својата сексуалната активност или мажите се посветени на градење на солидна емотивна врска, но најчесто е сосема обратно.

Генерално, жените тежнеат кон длабока емотивна врска со партнерот, додека мажите преферираат одредена дистанца од партнерката.

Жените секогаш се обидуваат да ги поттикнат, развијат и одржат емоциите во врската, додека мажите се обидуваат да го збогатат сексуалниот живот.

Жените размислуваат за брак, семејство и потомство, додека мажите фантазираат за секс на невообичаени места или во несекојдневни околности.

Жените очекуваат мажот да ги изненади со романтична вечера, а мажите очекуваат изненадување после вечерата.

Ова често создава непријатности во релациите помеѓу половите и најчесто и двете страни се чуствуваат незадоволно, неразбрано, изнудено и некомплетно.

Сепак, секогаш постои начин да се избегне битката и несогласувањата да се претворат во поле за соработка. Се што треба да направите е отворено да разговарате со партнерот.

Бидете искрени и отворени, разговарајте за вашите желби и потреби и никако не заборавјте да ја чуете и другата страна. Поставете правила со кои и двајцата ќе се согласите.

Бидете љубопитни и потрудете се да ги исполните желбите на партнерот. Не заборавјте дека вашиот партнер не може да ги чита вашите мисли, но може да ги исполни вашите желби.

Колку повеќе разговарате и се трудите да си угодите еден на друг, толку повеќе станувате свесни дека мажите и жените и не се толку различни.

Запомнете дека вашиот партнер е само фокусиран на другата страна, а длабоко во себе го посакува истото што и вие.

Отворете ги видиците и истражувајте!