Пазете се од вакви мажи

Заклучивме дека постојат одредени типови на девојки од кои треба да се чуваат мажите. Сепак, немојте да мислите дека момците се цвеќе за мирисање...

 

... и дека не постојат и мажи кои знаат да и го загрозат животот на партнерката.

Едно е најважно - препознајте ги пред да биде доцна!

1. Големо бебе

Овој маж не прави ништо конструктивно, освен што си игра со своите гаџети, слуша музика, игра видео игри...

Во меѓувреме, очекува вие да водите сметка за сите негови потреби и желби. Најчесто очекува да добие жена-домаќинка и е готован во буквлана смисла.

Доколку не сте спремни да имате улога на дадилка, бегајте од него по секоја цена.

2. Човекот од Атлантида

Тој исчезнува! На празници, на вашиот роденден, во текот на викендот. Понекогаш се појавува, но и тогаш случајно. Не признава дека постои часовник и календар.

Личност на која не можете да се потпрете и дефинитвно треба да ја избришете од животот.

3. Кавгаџија

Неговата емотивна температура е секогаш на критична точка.

Сака да се расправа, а една од најчестите реченици му е „ОК, зошто би сакал сега јас и ти да разговараме?“, со што се спрема за својот напад.

Поводот и не е толку битен. Направете си себе си услуга, оставете го и уживајте во тишината.

4. Момчето кое не е во врска

Тој инсистира дека вашата врска е без никакви обврски, па макар таа траела и пет години.

Одбива подобро да ги запознае вашите роднини или пријатели и да ви прави друштво на какво било поголемо излегување. Премногу му е забавно вака за сега тука да се обврзува и да признае дека е зрел, возрасен човек.

5. Шармер

Комплиментите и знаците на внимание се само замка сè до моментот кога ќе сфати дека ве освоил.

Бидејќи флертот му е вроден, немојте да се чудите ако почне да го практикува на некоја од вашите пријателки.

6. Его воин

Најсебичното суштество на планетата. Неговите приоритети се јасно дефинирани: тој, тој и само тој.

Во борбата за тој да биде потполно во центаротг на вниманието, сите му се противници, дури и пријателите, децата, па и вие.