Еротски соновник

Еротските сонови најчесто имаат длабоко психолошко значење, а експертите се согласуваат дека ваквите соништа се здрави бидејќи во нив симболично...

 

...ги доживуваме скриените желби и проблеми и на тој начин со нив се соочуваме.

Нашиот ум во текот на сонот истражува нешто што ни е премногу апстрактно, вознемирувачко и неприфатливо во реалноста.

Многу експерти се сложуваат дека во нашите соништа всушност станува збор за нас самите, а секое место, секоја личност или предмет кој се појавува на сон всушност претставува некоја наша особина, желба, страв или идеја.

Толкувањето на соништата е навистина многу субјективна дисциплина и со неа треба да се занимаваат само оние кои го проучуваат за тоа.

Постојат некои мотиви кои често се појавуваат во еротските соништа, а сите експерти се сложуваат околу нивното значење. Па еве дел од нив:

1. Непознат партнер/партнерка без лице

Се наоѓате во некоја сексуална ситуација со анонимен, но многу сексипилен, интуитивен и сензуален парнер/ка, кого никогаш не сте го виделе, па дури не можете ни да го распознаете неговото лице.

Можно значење: Сакате секс без компликации, во чиста нагонска форма, без одговорност и емоции. Друго објаснување  на ваквиот сон понуди големиот Карл Јунг, според кого сонувањето на иделаен партнер без лице значи дека сакате да се подобрите себе и кај себе да ги рзвиете квалитетите кој ги забележувате кај тој партнер.

2. Секс со поранешниот партнер/ка

Се наоѓате во кревет со поранешниот партнер/ка.

Можно значење: Ова најчесто воопшто не значи дека поранешниот партнер/ка ви недостига, туку токму спротивното, се обидувате да го „исфрлите од својот систем“. Овој сон е всушност ментална подготовка за нова врска.

3. Партнер кој исчезнува

Непосредно пред или во текот на самиот сексуален чин вашиот партнер/ка исчезнува.

Можно значење: Секако прво нешто што ни паѓа на ум е стравот од напуштање или фрустрација од партнерот/ката на кого не можеме да се потпреме. Но, овој сон може да значи и дека имате недостаток на самодоверба во било која животна ситуација.

4. Секс со колега/колешка

Се наоѓате во експлицитна сексуална ситуација со некој со кого работите.

Можно значење: Овој сон најчесто е сексуална метафора за задоволството кое го чувствувате затоа што работите заедно со таа личност. Иако можеби не сте свесни вие најверојатно се чувствувате многу сигурно и пријатно во друштвото на токму тој колега/шка.

5. Секс на јавно место

Имате секс на јавно место.

Можно објаснување: Овој сон може да укажува на страв од сексуална интимност или пак дека се обидувате да бидете нешто што не сте. Исто така овој сон може да се јави и како реакција на грижата на совест што ја чувствувате заради нешто што сте сториле.