Зошто мажите секоја расправија ја прекинуваат со изговорот „ПМС“?

Циклус... Оние денови од месецот... Нервози. Расправии. Мали испади на речиси секоја ситница или остри погледи. Зошто ПМС стана предмет на потсмев и ултимативен изговор кој мажот може да го искористи против жената за да стави точка на секоја расправија?

Од неодамна дури и Доналд Трамп успеа шеговито и со смеење да го употреби овој изговор во дебата со Меган Кели онака како што го употребуваат голем број на луѓе секојдневно, а по острите реакции на Твитер стана и предмет на едно неодамнешно истражување.

Што спротивните полови имаат да кажат на темата ПМС?

Мажите отворено признале дека секоја промена на расположението или вистински ја припишуваат на ПМС или намерно го употребуваат за да се извлечат од секојдневните расправии со изреката: „Што си нервозна? Да не доаѓаат тие денови од месецот?“.

Тие натаму наведуваат дека знаат дека овој изговор не е исправен, но на тој начин полесно се извлекуваат од расправиите кои за нив се бесмислени.

Од друга страна, припадничките на понежниот пол истакнуваат дека најомразена реченица за нив е токму онаа која мора да го наведе ПМС како причина за расправиите.

Тоа не доведува до клучното прашање: Од каде им е идејата на мажите секоја расправија да ја завршат со аргументот ПМС? Најчесто наведувано образложение е она дека партнерките биле тие кои расправиите и нападите на без ги објаснувале со оваа појава.

„Прости ми, ми пристигнува циклусот, па сум раздразлива“.

Ако сакате да го прекинете овој магичен круг, единствено решение е и самите девојки да престанат да ја употребуваат оваа појава како изговор за нервозата.