Знаете ли од што ви зависи добриот секс?

Дали сте расположени за секс најмногу зависи од тоа во кој дел од денот се случува, тврдат сексолозите. Но, сексуалните саати не отчукуваат исто за двата пола.

Од 22 часот до полноќ мажот е потполно опуштен, но не и поспан. Тогаш е способен долго и нежно да води љубов. Од полноќ до 6 часот наутро, мажите речиси и не можете да ги разбудите.

Но, многу жени знаат да уживаат додека водат љубов и во полу сон.

Таа е наутро поспана, а тој веќе е расположен

Во раните утрински часови помеѓу 6 и 8 часот нејзиното тело сè уште е поспано. Нивото на хормонот за спиење е прилично високо додека пак, температурата на телото е пониска во однос на текот на денот.

За разлика од жените, машкото либидо е во полна пареа и за него сексот е најдобар можен начин за почеток на денот, но набрзина!

По 8 часот жената е потполно будна и подготвена за секс, но тогаш тој е насочен кон неговата работа.

Кога е најдобро време за правење бебе?

Енергијата кај жените го достигнува својот максимум на пладне, но тоа нема врска со сексот.

Мажот тогаш е расположен за малку забава и без проблем би се препуштил во предигра.

Најдобро е да го почека периодот помеѓу 14 и 16 часот, бидејќи тогаш женскиот репродуктивен систем е потполно спремен за зачнување.

Семето кое се произведува во тестисите има најдобар квалитет во 16 часот.

Затоа оваа доба од денот е како створена за правење деца.

Попладне за брз секс

Помеѓу 16 и 18 часот жените претежно не се способни за активен секс, а мажите за долги предигри, но затоа двајцата немаат ништо против за еден брз секс.

По 18 часот на мажите во главата им се врти само вечера и одмор, а не секс. Жената исто така е расположена за одмор, но и за доверлив љубовен разговор.

Нивните часовници навечер отчукуваат како еден

По вечерата жената е повторно полна со енергија и расположена да ја преземе иницијативата, но и да се впушти во нови љубовни игри.

Тој е исто така подготвен, да ги исполни сите желби на својата партнерка.

Нивните сексуални часовници тогаш отчукуваат во совршен склад и уживањето е максимално и кај двајцата.

По 22 часот нивото на хормони за спиење нагло се зголемува кај жените и нејзиното либидо се намалува но, затоа е повеќе исполнета со романтични чувства.