Не дозволувај минатото да ја убие страста

Сонував за него. Сонував дека еден ден ќе биде мој. Сонував дека тој ќе биде човекот покрај кој ќе се будам наутро. Дека ќе биде сопругот за кој секоја жена мечтаела, дека ќе биде совршениот татко на мојата ќерка.

Тој се појави кога јас минував низ најголемата бура во животот. Немав ниту чадор, ниту гумени чизми.

Се обиде со нежност да го смири очајот во мене. Со љубов ме тераше да ја победам омразата и гневот. Тогаш, јас не препознав сродна душа во него. Тој си замина, јас останав сама, ладнокрвна и гневна.

По неколку години, се појави уште еден човек сличен нему. Не сакав да му дадам шанса. Не сакав моите проблеми да ја уништат нашата врска. И тој си замина.

Јас повторно сум сама. Ништо не научив од грешките.

Ти, девојко, која го читаш ова, научи нешто од мојата непромисленост.

Без разлика колку ти е мрачна годината, без разлика на проблемите кои тежат колку планина на твоите рамена, дај му шанса на оној кој се обидува со нежност да ти се пикне под кожа.

Не знаеш никогаш, можеби тој е оној вистинскиот, оној кој си го чекала сиот свој живот.

Не дозволувај минатото да ја убие страста.

Не дозволувај штотуку започнатата љубов да згасне од нервоза и притисоци.

Дај му време на некој прекрасен човек да ти покаже дека не е се така сиво, дозволи му да те гушка и бакнува.

Заборави на минатото, на проблемите, на гневот, на бесот и впушти се во авантура.

Авантура која ќе те потсети дека сè уште имаш добра душа која знае да простува и срце кое силно љуби.

Автор: М.К. | Црнобело