3 прашања кои треба да си ги поставите пред да започнете нова врска

Сите сме се соочиле со скршено срце и затоа голем дел од луѓето избегнуваат љубовни состаноци додека целосно не заздрават од минатите врски. Но, може да се појави некоја личност која апсолутно ќе ве маѓепса и некако ќе посакате да ѝ дадете шанса, иако чувствувате страв.

За да одлучите дали треба да ѝ дадете шанса, поставете си ги овие 3 клучни прашања:

1. Што ве привлекува?

Ако сте интелектуално, емотивно, сексуално и физички привлечени тогаш супер, тоа значи дека си одговарате.

Многу луѓе прават грешка затоа што не истражуваат до каде оди привлечноста – т.е. колку е таа длабока. Голем дел од луѓето се маѓепсани од првите неколку пати кога ќе излезат со таа личност, но таа маѓепсаност ослепува, па затоа кога малку подобро ќе ја запознаеме личноста, таа престанува да ни се допаѓа.

Одвојте време да ја запознаете таа личност – одете на состаноци кои портретираат различни страни од карактерот – групна соработка, спортовите се одлична идеја; кампување – каде сте сами и гледате како таа личност се грижи за вас; екскурзија со пријатели – гледате како се однесува кон останатите луѓе на подолг период, запознајте ја неговата/нејзината фамилија, одете на викенд патување надвор од земјата – за да видите како се справува со непознати места.

Овој вид искуства не само што ќе ви го покаже карактерот на партнерот, туку ќе направи побрзо да процените дали треба да сте заедно затоа што се запознавате подобро така што правите нешта заедно. Споделувате искуства, наместо само да одите на вечера и да пиете.

2. Дали ги сакате истите нешта?

Мора да бидете сигурни дека сте на иста бранова должина. Велат: „Љубов не е да го погледнеш некого во око, туку да најдеш некој кој гледа во иста насока како и ти.“  Ако сакате да успее оваа врска, мора да бидете апсолутно сигурни дека имате исти интереси, во спротивно, оваа врска ќе биде осудена на пропаст.

3. Дали двајцата ја разбирате разликата помеѓу љубов, привлечност и врска?

Може да бидете привлечени онака како што треба, може да имате исти интереси и тоа значи дека ќе бидете заљубени, но заљубеност и врска се два многу различни поими. Заљубеноста е лесна, но врската бара голем труд, напор и жртви. Ако не сте подготвени да вложувате во врската, тогаш вие не треба да сте заедно.

С. С. | Црнобело