Совет од еден татко: Венчај се за човекот од твоите соништа

Блогерката Ракел Исабел де Алдерате која е позната како inkskinned, на социјалните мрежи споделува што нејзиниот татко ја советувал за да најде сопруг кој ќе ја направи навистина среќна.

Неговите совети се прилично едноставни:

1. Твојот сопруг треба да биде човек кој секогаш ќе успева да те насмее

Излегувај со момче кое те прави среќна, но венчај се само за оној кој секогаш успева силно да те насмее, сè додека стомакот не те боли.

Светот не е секогаш љубезно место за живеење. Ќе почувствуваш силна болка. Па, биди сигурна дека ќе бидеш покрај некој кој ќе ја прави таа болка поднослива.

2. Погрижи се да има белези на рацете

Биди сигурна дека знае себеси да се одбрани од светот, но и да создаде нешто со сопствените раце.

Животот треба да го поминеш покрај некој кој е страстен, кој има цели и не се плаши да ги извалка сопствените раце за да го добие тоа што го сака.

3. Пред да кажеш да, види го гневен, исплашен, болен... Стресот ја менува секоја личност

Види го и во пијана состојба, тогаш ќе знаеш што навистина мисли. Откриј од што е зависен. Види како се соочува со нив.

Ако не ти се допаѓа сега како се однесува, за 8 години нема да ти се допаѓа неговото однесување уште повеќе.

4. Верувај на сопствените инстинкти

Ако не се чувствуваш безбедно покрај него не барај изговори, замини си. Подобро е да бидеш сигурна сега отколку да зажалиш подоцна.

5. Ако парите му се предност, на крајот ти ќе му станеш последен приоритет

Една работа е да не може да ти ги обезбеди работите кои ги посакуваш, друга работа е да има пари, а да не сака барем една твоја желба да исполни само за да ги задоволи сопствените потреби.

Парите и љубовта се смртни непријатели.

6. Како се однесува со животните сега, така ќе се однесува со децата понатаму

Ако видиш дека дига рака на куче, спакувај си ги куферите и замини си. Истото важи и за келнерите...

Трпението ретко кој го поседува, а е најважно за воспитување на децата.

7. Ако не се воодушевува на тебе, не те заслужува

Ти си совршена, а ако тој не го забележува тоа, тогаш тоа е негова загуба.

Секогаш ќе постои некој кој ќе те обожава. Затоа, остани силна и замини си ако треба.

Ако бара да се промениш, биди цврста како камен и не потпаѓај на барањата. Совршена си, таква каква што си.

Н. Г. | Црнобело