Мажите кои се во брак со паметни жени живеат подолго

Отсекогаш било предмет на интерес прашањето како мажите ја замислуваат идеалната жена со која би се ожениле.

Главната дилема најчесто оди во две екстреми, дали е подобро да биде интелигентна или убава?

Секако, идеално би било кога овие две точки би се споиле, но најновите истражувања покажуваат дека интелигенцијата на жените има влијание и врз животниот век на нејзиниот партнер.

Односно, мажите кои се ожениле со интелигентни жени, имаат повеќе шанси да дочекаат подлабока старост, но и да не заболат од болести како деменција или Алцхајмер.

Во едно истражување врз идентични близнаци, било откриено дека околината во која личноста живее, има огромен ефект врз нејзините интелектуални способности.

Интелектуалните разговори и игри кои би ги имале со интелигентен партнер, постојано ќе го држат вашиот мозок буден и на тој начин значително ги намалувате шансите за појава на деменција.

Лоренс Вели, почесен професор за ментално здравје на Факултетот за медицина и животни науки, при Универзитетот во Абердан, вели: „Она што треба да го направи едно момче за да живее подолго е да се ожени со интелигентна жена. Не постои подобар лек за деменцијата од интелигентен човек до вас.“

Девојките кои поседуваат висок степен на интелигенција, прераснуваат во одговорни и независни личности.

Момчињата пак, кои исто така може да се пофалат со оваа карактеристика, создаваат многу поздрави врски со жените, но и многу позадоволителна семејна атмосфера за нивните сопруги и деца.

Сепак, сè уште постои идејата дека женската убавина е нешто кое е поважно од интелигенцијата.

Можеби, токму ова истражување ќе ги натера мажите да размислат и да сфатат дека убавината е нешто минливо, а интелигенцијата нешто кое останува засекогаш.

М. С. | Црнобело