Среќните парови почесто се бакнуваат: Интересни факти за бакнувањето

Бакнувањето е еден од најубавите начини некому да покажете колку многу ви значи и го сакате.

Иако тоа изгледа како едноставен процес на размена на чувства, вистината е дека тоа претставува нешто многу посложено.

Самиот чин на бакнување покрај тоа што вклучува огромен број фацијални мускули тоа исто така, активира и голем број неврони кои носат најразлични дразби до вашиот мозок.

Ова се само дел од интересните факти кои го објаснуваат бакнувањето... 

Потсвесна размена на информации

За време на бакнувањето, доаѓа до потсвесно разменување на информации меѓу парот. Докажано е дека жените на овој начин добиваат информации за генетската слика на мажот, кои подоцна ги користат за да донесат одлуката дали тој е доволно добар партнер или не.

Мажите и жените сакаат различни бакнежи

Жените сакаат нежни бакнежи со помало присуство на јазикот, додека пак мажите преферираат „влажни“ бакнежи (машката плунка содржи тестостерон кој го поттикнува женското либидо).

Лошото бакнување може да биде причина за прекин на врската

Психолозите тврдат дека првиот бакнеж е многу важен за иднината на врската. Едно истражување покажало дека дури 66% од жените и 59% од мажите би прекинале добра врска поради лош бакнеж.

Што претставува лош бакнеж?

Според истражување од 2012 година, најлошиот бакнеж е бакнежот при кој го чувствувате мирисот на цигари кај партнерот. На самиот врв биле и херпесот и други ранички, потоа мирисот на телото, испукани усни и лоши заби.

Бакнежите се добри за здравјето

Докажано е дека бакнежите го намалуваат стресот и нивото на лошиот холестерол во крвта, а делуваат корисно бидејќи го зголемуваат лачењето на допаминот односно хормонот на среќа.

Бакнежите ги трошат калориите

Секако дека не размислувате за тоа за време на бакнувањето, но експертите тврдат дека со една минута бакнување се согоруваат 2 до 6 калории. Колку пострастен е бакнежот, толку повеќе калории се согоруваат.

Среќните парови почесто се бакнуваат

Среќните парови, без разлика на годините и колку време се заедно и понатаму често се бакнуваат. Бакнежот го зголемува нивото на окситоцин, хормон кој поттикнува блискост и поврзаност, а го намалува нивото на кортизол, хормон кој го поттикнува стресот. Честото бакнување е знак за здрава и среќна врска.

М. С. | Црнобело