Со кои спортови се занимаваат мажите што најмногу изневеруваат?

Несомнено, спортувањето е еден од квалитетите што изразено ги привлекува жените кај спротивниот пол. Но, овој податок нема да ви се допадне.

Според најновото научно истражување, со кое биле опфатени 1750 машки испитаници, а чии резултати најпрво ги објави Golf Support, момците кои се занимаваат со одредени спортови, многу почесто и повешто изневеруваат од другите.

Кога е во видот на спортот во прашање, резултатите откриваат дека кај момците кои играат тимски спортови, постои многу поголема веројатност да ги искористат натреварите како алиби за прикривање на прељубничка афера. За разлика од нив, индивидуалните спортисти се помалку склони кон „нечисти игри“.

Меѓу спортските типови, најневерни се рагбистите, кои се први на листата. Дури петтина од испитаните рагбисти (21%) биле неверни барем еднаш, а го користеле тренингот и спортските обврски како изговор пред партнерките. Веднаш по нив, на второтото место се фудбалерите (19%) и голферите (17%), кои постапиле исто како и рагбистите.

Во средината се тркачите (15%), боксерите (12%) и тенисерите (11%), а дното од листата, односно како најлојални партнери се покажале атлетичарите (4%), пливачите (5%) и велосипедистите (7%).

 

Што се однесува до самото неверство, психолозите од научниот тим што стои зад истражувањето, го објаснуваат овој феномен како резултат на зголеменото ниво на тестостерон во телото, кое неретко се јавува кај мажите кои активно се занимаваат со спорт и напорно тренираат, а поради што се зголемува и сексуалниот нагон.

Сите мажи кои учествувале во истражувањето, практикувале најмалку шест часа „спорт“ секоја недела.

М. А. | Црнобело