Мажите одговараат: Кога е „правилно време“ за првиот сексуален однос со нова партнерка?

Управувањето со развојот на врската е доволно тешко само по себе, без притоа да се земе предвид неизбежното прашање за тоа кога да се премине на следното ниво во врската.

Сосема е јасно дека ваквите одлуки се различни за секој пар, но секогаш е интересно да се слушне спротивната перспектива, особено ако сте активни на тема состаноци и врски.

Така, корисниците на „Reddit“, еден од најпознатите социјални агрегатори во САД, одлучиле да го споделат своето искуство на тема „Прво сексуално искуство со нов партнер“.

Во продолжение прочитајте што мислат и какво искуство имаат мажите на оваа тема:

„Јас „инвестирам“ во нешто многу повеќе отколку само секс. И навистина можам да вложам многу време во тоа, можеби и 3-6 месеци... Колку и да е потребно.“ - Femabrown 31 година.

„Еден до три состаноци. Јас сум навистина опуштен кога е во прашање сексот, а тоа го барам и од партнерките со кои излегувам. Ако не сме на иста „бранова должина“, во тој случај не си го губам времето со некоја која не ми е компатибилна.“ - RA_ACCOUNT, 52 години.

„Чекам најмногу 1 месец, и тоа исклучиво во ситуации доколку девојката навистина многу ми се допаѓа“ - SYKILIK101, 26 години

„Сега сум женет, но јас и жена ми прв пат имавме секс по само неколку состаноци. Бевме во доцните 30-ти години, па на сексот не гледавме како на нешто многу значајно.“ - AKANOTMYMAINREDDIT, 41-година.

„Јас чекам веќе една и пол година во мојата сегашна врска. Мојата девојка е невина, па донесовме одлука да немаме секс до брак. Како што можете да заклучите, јас сум во „ова“ веќе подолго време.“ - THROWPOSTING, 29 години.

Очигледно е дека и мажите имаат поделено мислење кога е во прашање првиот сексуален однос со нова партнерка. Дали се согласувате со ова, останува на вас.

С. У. | Црнобело