Момци откриваат: Која е најголемата лага што ѝ ја кажав на девојка ми?

Речиси е невозможно да се одржи долга и здрава врска, без тука и таму да ви се поткрадне и некоја лага. За што сè лажат припадниците на посилниот пол?

Од слатки и невини лаги, како што се комплиментите за кулинарските вештини на љубената, дури и кога реално се незаслужени, па сè до многу пострашни тајни, како извршена прељуба, момците не секогаш им ја говорат вистината на своите партнерки.

Запрашани за најголемата лага која ѝ кажале на девојката, петмина припадници на посилниот пол ги открија следните:

„На девојката ѝ реков дека ги обожувам нејзините пријателки, иако искрено немам поим зошто се дружи со нив. Грозни се и целосно неповрзани со неа, ама знам дека ги сака, па лажам дека ги сакам и јас.“

„Ѝ реков дека никогаш ништо не сум имал со својата најдобра другарка, што секако не е вистина. Бевме пријатели со бенефиции речиси година дена. Сега сме само пријатели, но кога би ѝ го кажал тоа на девојка ми, не би ми дозволила да се дружам со пријателката, со која навистина сум сега само пријател.“

„Ја излажав девојка ми дека нејзините грозни лазањи се најдобрите лазањи кои некогаш сум ги пробал, затоа што видов дека моето мислење многу ѝ значи. За жал, поради тоа сум приморан везден да јадам лазањи, а со секој нов оброк, мојата лага станува сè полоша, сè поблабока и сè покомплицирана, и знам дека нема шанси некогаш да се извлечам.“

„Знам дека е ужасно, но ја бакнав најдобрата пријателка на девојка ми, додека ја возев до дома. Се разбира, ја лажам по тоа прашање и нема шанси било кога да ѝ кажам, а секогаш кога ќе ги видам заедно, се чувствувам како комплетен кретен.“

„Еднаш ја излажав девојката дека сум свршил, иако, всушност, доживеав нагла демотивација во текот на сексот, заради која не можев да продолжам понатаму. А, демотивацијата се случи поради тоа што девојка ми не беше баш претерано...истуширана.“

За што најчесто лажете вие?

 М. А. | Црнобело