Зошто почесто се заљубуваме на пролет?

Ако во последно време чувствувате пеперутки во стомакот, не би требало да се чудите - пролетта и почетокот на летото се најубаво време за заљубување.

Зошто?

Одговорот на ова кратко, но јасно прашање го даваат експертите кои ги проучуваат човечките врски. Тие тврдат дека постои поврзаност меѓу годишното време и нашето расположение, како и дека постои поголема поврзаност меѓу можноста да се заљубите на пролет и биолошките, физиолошките и психолошките основи за ваквото тврдење.

„Луѓето, колку и да не се свесни за тоа, биолошки се поврзани за циклусот на изгревање и заоѓање на сонцето. Рано наутро почнуваат да се лачат хормони кои го подготвуваат телото за активност, а навечер почнува да се лачи мелатонин кој нè подготвува да заспиеме.“

„Сличен процес се случува и на пролет - се лачат супстанци кои нè подготвуваат за поголема активност, а се намалува лачењето на оние кои нè подготвуваат за мирување. Покрај тоа, на пролет почнува да се лачи и повеќе допамин - невротрансмитер кој се поврзува со чувството на пријатност“ - вели специјалистот и психијатар, Александра Бубер.