Жени откриваат: Која е најбедната лага што ја слушнав во врската?

Врска без мали лаги кои го олеснуваат секојдневието – тешко дека ќе најдете. Сепак, постојат лаги кои не се мали, а ни слатки, ниту пак, нешто олеснуваат.

Запрашани да ги споделат најбедните лаги кои ги слушнале од партнерот, пред да стават конечен крај на својата „среќна“ врска, неколку припаднички на понежниот пол ги открија следните:

„Тоа ми е пријателка, престани да бидеш љубоморна!“

- За девојката со која ме изневеруваше последните година дена од нашата врска.

„Ќе се променам, само дај ми уште една шанса...“

- Откако го оставив бидејќи беше ужасен кон мене. Не се промени.

„Може да излезете и ти и твоите пријателки со нас, ама досадно ќе ви биде.“

- Секој пат кога ќе се спомнеше заедничко излегување.

„Бившата ми се јави мене, не сум јас крив!“

- А сѐ сам имал иницирано.

„Не знам која е девојкава што постојано ме бара на Фејсбук.“

- Се разбира дека знаеше.

„Не сум ѝ го дал мојот број.“

- Ѝ го дал, дури и ако можеби не се ни сеќава.

„Ќе ми се исклучи мобилниот...ти се јавувам подоцна!“

- Долго време мислев дека има проблем со батеријата, а го немаше.

„Ма, тоа се некои глупачки кои ни се ставија на маса.“

- За „глупачките“ што тој и неговите пријатели цела ноќ ги честеле пијалаци. 

„Никогаш не сум те изневерил.“

- Неколку минути пред да му кажам со која точно е виден дека ме изневерува.

После која лага би му рекле на партнерот – доста беше!?

М. А. | Црнобело