Сами против себе: 5 грешки со кои си ја саботирате секоја врска

Доколку ви е својствена некоја од овие особини, голема е веројатноста дека вие сте главниот виновник за љубовните фијаска.

Moжеби е вистина дека немате среќа кога се партнерите во прашање, па баш секој претходен избор ви бил погрешен.

Меѓутоа, ако никако не умеете да одржите нормална, здрава врска, зарем не е пологично дека проблемот лежи токму во вас? Запрашајте се!

Петте грешки со кои самите си ја саботирате секоја љубовна грешка се:

1. Секогаш мора да сте во право.

По игра на случајот, вам постојано ви делува дека сте на страната на вистината. А, како им изгледа на другите? На повеќето луѓе им е едноставно напорно да ве слушаат, особено ако не знаете да се носите со порази.

2. Сѐ треба да биде под ваша контрола.

Секој човек тежнее да има контрола над ситуацијата. Меѓутоа, доколку сте еден од оние партнери чие контролирање ја преминува границата на добриот вкус, тогаш сосема јасно е дека никој нормален човек нема да ве посака покрај себе. Барем не на долги патеки.

3. Се повлекувате во себе.

Што правите при турбуленции во врската? Се обидувате ли да ги надминете со разговор? Или можеби се повлекувате во себе, чекајќи бурата да помине? Со вториот тип на однесување, оддавате впечаток на личност која всушност нема желба да ги решава проблемите. А, тоа ретко кому е допадливо.

4. Се одмаздувате.

Доколку некој ве повреди, инсистирате да му вратите мило за драго. Минимум со иста мера! Сепак, некогаш е подобро да се издигнете над ситуацијата, па мирно и достоинствено да продолжите понатаму.

5. Преискрени сте.

Искреноста е доблест. Но, доколку баш сѐ говорите без никаков филтер и задршка, тогаш прашање на време е кога некого силно ќе го повредите. Детската искреност не им прилега на возрасните луѓе. Па, одвреме-навреме е сосема во ред да премолчите нешто кое сте сакале да го изустите.

М. А. | Црнобело