Ретро формула за мажи: Колку години треба да има вашата „совршена“ партнерка?

Според една стара книга, мажите треба да се состануваат со жени кои имаат половина од нивните години плус 7, но дали е навистина така?

Многу често гледаме како мажи се состануваат со многу помлади жени од нив. Доналд и Меланија Трамп, Џорџ и Амал Клуни, Мери Кејт Олсен и Оливиер Саркози се само дел од нив.

Во групава е дефинитивно и Леонардо ди Каприо со сите неговите поранешни девојки.

Дека мажите сакаат многу помлади жени знаеме, но интересно е што една книга напишана во 1901 година од Max O’Rell тврди дека мажите треба да се состануваат со жени кои имаат половина од нивните години плус седум.

Изненадувачки, некои модерни експерти за врски тврдат дека ова правило е добро и треба да се следи. Но, други (поразумни) тврдат дека воопшто не е така.

„Навистина ми е забавно што постои формула за „оптимална“ разлика во години во една љубовна врска. Но, вистината е дека две души ќе се пронајдат една со друга, без разлика на нивните години“, изјави експертот за врски Сузан Винтер, која додава дека во љубовта нема правила, освен да го следите срцето.

Max O’Rell во својата книга исто така ги предупредува мажите да не стапуваат во брак со жени кои се побогати, повисоки и постари од нив.

Па, дали треба да ги слушате неговите правила, одлучете самите!

С. С. | Црнобело