Тренд помеѓу младите: Пирс на прстот наместо веренички прстен и бурма

Тргнувајќи од сите необични начини на кои можете да ја запросите девојката, па до тематски организираните венчавки, стигнавме во нов тренд на Инстаграм – пирсови на прстот, наместо веренички прстен или бурма.

Меѓу младите до пред извесно време хит беа тетоважите кои ја симболизираат вечната љубов, а сега изгледа ветувањето на вечна љубов ќе се одвива во пирсинг студија.

Но, колкав е ризикот од овој „романтичен“ тренд?

Со оглед на тоа што останатите прсинзи имаат влезна и излезна точка, поткожните пирсинзи се импланти, па може да бидат далеку поризични. Понекогаш се случува телото да не ги прифати, па дури и да се поместат.

Доколку се користи стерилизиран прибор и клиентот ги почитува правилата за темелна хигиена, шансите за инфекции се мали.

Но, ова не е добра опција за сите. Оние кои нема да се придржуваат до правилата, многу лесно може да се соочат со одбивање на металот од страна на нивното тело.

Една девојка која работи во пирсинг студио открива дека во текот на една недела, во просек доаѓаат по 2 до 3 пара кои сакаат да стават пирсови наместо бурми или веренички прстени.

Изгледа му дојде крајот на изговорот „го заборавив прстенот дома“...

• 
• 
• 
• 
• 
• 
• 
• 
• 
• 
• 
• 
• 
•  

М. Д. | Црнобело