Според мажите: Што треба жените почесто да прават во кревет?

Постојат нешта кои силно ги возбудуваат припадниците на посилниот пол во постелата. Сепак, жените неретко ги избегнуваат, чувствувајќи срам или страв од реакцијата на партнерот. Непотребно – би се сложиле мнозинството мажи.

Што треба жените почесто да прават во кревет? Дознајте од искрените одговори на неколку мажи: 

1. Овозможете му добар поглед

„Ние мажите сме повеќе визуелни типови. Затоа ги сакаме позите каде може добро да видиме сè што се случува. Жена ми дури не ни чека јас да ѝ кажам која поза ми е на ум. Веќе знае дека најголемо задоволство ми причинуваат оние со кои ќе можам да го гледам нејзиното тело.“

2. Изненадете го

„Еднаш девојка ми ме одведе на скриена плажа за време на летувањето, па ми пружи моменти за паметење. Не велам дека истото треба да го повториме и на места каде може да нè фати полиција. Меѓутоа, дефинитивно ги сакам сите видови на изненадувања од партнерката. Да ми приреди нешто кое малку отстапува од страндарната рутина.“

3. Покажете му што сакате

„Секогаш со драга волја ги прифаќам наредбите. Сакам кога девојката ќе ми каже, или, пак, ќе ми покаже што сè сака, што ѝ одговара и што би сакала да ѝ правам. Преземањето иницијатива е секси, а јас сум тука за целосно да ѝ угодам.“

4. Бидете гласни

„Верувале или не, мажите се всушност несигурни во кревет, дури и кога знаат што прават. Затоа ни е важно да имаме и аудио потврда дека жената ужива. Тогаш знаеме дека навистина правиме сè како што треба.“

5. Воспоставете контакт со очите

„Сакам кога ме гледа директно во очи во клучните мигови. Има нешто неверојатно во тоа. Веднаш ме пали нејзиниот поглед и изразот на лицето.“

6. Покажете ентузијазам

„Нема ништо полошо од потполно незаинтересирана партнерка. Ти се трудиш и работиш на случајот, а од нејзина страна нема никаква соработка. Сакам да видам малку ентузијазам, или барем да добијам некаков одговор на она што го правам, одобрување, што и да е.“

7. Запалете светло

„Жените секогаш се оптоваруваат со тоа дали добро ги избричиле нозете, или, пак, создаваат драма околу стомакот, па го гасат светлото. А, нам сето ова ни е неважно. Тоа се работи кои воопшто не ги приметуваме. Едноставно сме возбудени поради сè што се случува. Само сакаме да уживаме во целото тело на својата партнерка. Затоа, нема ништо подобро од сексот со запалено светло.“

М. А. | Црнобело