Пронајдете некој што ќе ве сака и во лошите денови

Пронајдете некој кој ќе знае силно да ве стисне за рака на деновите кога животот нема да биде добар со вас.

Лесно е да пронајдете некој што ќе ве сака во добрите денови, кога ќе се разбудите со насмевка и ќе му направите шолја кафе. Деновите кога босоноги танцувате во кујната, кога ви е слатко што ве фатил дожд и сте немале чадор и кога ништо не може да ве изнервира.

Секој може да сака таква личност.

Но, што е со деновите кога сè изгледа како предизвик? Кога не се чувствувате безбедно, кога ви изгледа дека светот е против вас, кога ве иритира сè и секој и кога давате злобни коментари само за да го исфрлите отровот од вас? Што е со деновите кога сте болни, не сте ја измиле косата со деновите, не сте станале од кревет и имате чуден мирис на лекарства?

Важно е да запомните дека заслужувате да бидете сакани и во тие денови. Заслужувате да бидете сакани во секоја верзија.

Пронајдете некој што ќе ве сака и такви „неподносливи“. Кој ќе ви свари чај од камилица кога сте болни или ќе ви го купи омиленото чоколадо кога сте тажни. Некој кој ќе слуша со часови за вашите иритантни колеги и за пријателката која повторно ве разочара.

Пронајдете некој што ќе ве бакнува и кога сте болна, а вашиот нос ќе му биде сладок и таков црвен. Пронајдете некој што ќе ве смета за убава и со темни подочници и несредена коса.

Пронајдете некој што ќе ја сака секоја верзија од вас. Кој ќе знае силно да ве стисне за рака на деновите кога животот нема да биде добар со вас.

Пронајдете некој што ќе ви дозволува да бидете тоа што сте и што не ја сака само онаа совршената, насмеана, гламурозна верзија вие.

Пронајдете некој што ги толерира сите други верзии од вас, ги цени, разбира, па дури и слави... Само затоа што искрено ве сака.

Прочитајте ги и деветте збогувања со кои завршува секоја љубов!

С. С. | Црнобело