Влијае негативно на плодноста + 4 други митови за мастурбацијата

Самозадоволувањето му влијае позитивно на вашето тело и нема потреба да имате предрасуди во врска со тоа.

Со самозадоволувањето покажувате љубов кон своето тело и нема ништо лошо во тоа.

За жал, сè уште постојат голем број митови за мастурбацијата:

МИТ 1: Мастурбирањето често е лошо за вас.

Сè додека не ви влијае на нормалното темпо на живот е сосема во ред.

МИТ 2: Мастурбирањето ве прави неплодни.

Самозадоволувањето кај мажите не им влијае на квалитетот на спермата, ниту самозадоволувањето кај жените влијае на нивната плодност, потврдуваат докторите.

Кај мажите може да се почувствува разлика во бројот на сперматозоиди ако се самозадоволуваат по неколку пати на ден, но ситуацијата ќе се врати во нормала по само 12 до 24 часа пауза.

МИТ 3: Само мажите мастурбираат.

Сите сакаат оргазми, па така огромен е бројот на жени што мастурбираат, но тие не зборуваат јавно за тоа како мажите.

МИТ 4: Постои правилен начин за мастурбација.

Не постои, треба да го истражувате своето тело и да дознаете што му годи. Со самозадоволување психички ќе се опуштите и ќе се поврзете со своето тело.

Секс експертите тврдат дека мастурбацијата позитивно влијае на сексуалноста.

МИТ 5: Нема придобивки од мастурбацијата.

Погрешно. Мастурбацијата ви ги опушта мускулите, ве ослободува од стресот, а кај жените може да помогне и во намалување на ПМС симптомите, како болки во стомакот.

Се ослободува ендорфин, хормон кој ја блокира болката и ја поттикнува среќата. При оргазам, исто така, се ослободува хормонот на среќа допамин и ви помага да заспиете полесно.

С. С. | Црнобело