Барак Обама тврди дека тајната на среќниот брак лежи во 3 клучни прашања

После 25 години поминати во среќен и хармоничен брак, сосема е прифатливо да ги следите љубовните и брачни совети од Барак Обама.

Како што тврди Ден Фајфер, поранешниот директор за комуникација на Обама, тогашниот претседател му дал многу важен совет од љубовната сфера.

Обама го прашал Фајфер дали знае дали неговата девојка е „вистинската“, по што го советувал да одговори на три клучни потпрашања доколку сè уште не го знае одговорот на клучното.

„Ова е совет кој им го давам на сите за бракот – дали таа е нешто што го сметаш за интересно? Ќе поминеш повеќе време со оваа личност отколку со било кој друг, па нема ништо поважно од тоа секогаш да сакаш да слушнеш што има да каже.

Второто прашање? Запрашај се дали партнерот знае да те насмее.

Не знам дали знаеш дали сакаш деца, но ако сакаш, дали мислиш дека ќе биде добра мајка? Ова е третото прашање. Животот е долг. А, ова се работи кои се важни низ целиот животен век.“

М. Д. | Црнобело