Се важи ли он-лајн неверство?

Често пати се прашуваме дали он-лајн неверството се смета за вистинско изневерување затоа што станува збор за личност која можеби и никогаш не сте...

 

...ја виделе, и се што ве поврзува е целодневните разговори.

Општо земено, флерт за време додека сте во врска, е прилично лоша идеја. Он- лајн неверството е многу слично со емоционалните афери.

Дури и да не сте врзани физички со оваа личност, ако целото време го поминувате во разговори со него/неа на Skype, MSN, Facebook, ако пронаоѓате утеха во таа личност, уживате додека се гледате на камера – во вашата врска дефинитивно нешто не штима. Ќе дојде до оддалечување од партнерот и намалена заинтересираност за врската.

Ако се освестите на време, ќе ви биде јасно дека овие он-лајн врски ретко успеваат, или пак ќе расчистите со партнерот на време. Само затоа што не постоело физичко неверство, не значи дека не може да го наруши вашиот однос. Бидете искрени и споделете со партнерот се што ве мачи.

Како да спречите он–лајн неверство?

Во најголем број случаи допишувањето започнува кога еден од партнерите има проблем кој не сака да го сподели, или едноставно има проблем во врската за кој не сака да разговара отворено со спротивната страна.

Ако вам ви се случило ова, немојте да трошите време со непознати, туку концентрирајте се на реалната личност покрај вас која и без тоа се труди и грижи за вам.

Бидете искрени еден кон друг и не ги игнорирајте проблемите. Најдобро е да пронајдете заедничко решение.