Закоравени верувања за сексот кои го уништуваат задоволството

Кога е сексот во прашање нема делење на машки и женски работи. Секој може да му пружа какво сака задоволство на партнерот, како и да очекува да биде задоволен на најдобриот начин.

Но, како и во секоја друга област, општите размислувања наметнуваат стеги дека одредени активности се соодветни за мажите, но не и за жените и обратно. Во сексот не треба да очекувате одредена акција од партнерот само поради тоа што припаѓа на одреден пол. Задоволството треба да биде природно, наместо наметнато.

Една од најчестите поделби е дека мажот, како претставник на посилниот пол, треба да биде доминантен и да го „граба“ задоволството од субмисивната партнерка. Ова е далеку од правилно, а може да го уништи сексуалното задоволство на многу начини.

Намален приоритет на женското задоволство

Веќе одамна помина времето кога се мислело дека жените треба да им бидат потчинети на мажите - и во сексот и во реалниот живот.

Мажите треба да бидат главни

Верување со поминат рок - тоа не треба да ја спречи жената да преземе акција, доколку партнерот е несигурен, ниту пак да го обесхрабрува него да го прифати „ловот“ на жената.

Судење врз основа на бројот на партнери

Веќе ни е познато како генерално се гледа на жена со повеќе партнери, а како на маж со истата бројка. Време е да се престане со судење и за оние кои имаат непостојани партнери и за оние кои избрале дека подолг период ќе апстинираат.

Мажот не смее да покаже емоции

Уште едно од закоравените и уназадени сфаќања кое ја исклучува човечката емоционална интелигенција и создавањето врски. Нема ништо лошо во тоа мажот да ѝ покаже на партнерката колку ја сака за време на сексот.

Објективизирање на жените

Игрите во спалната соба дозволуваат сè, но жените не смеат да продолжат да ги објективизираат своите тела и во нормални услови.

Само мажите може да силуваат жени

Иако оваа точка нема многу заедничко со обостраното сексуално задоволство, важно е да се напомене дека и жените може да имаат биолошка потреба да го „нападнат“ партнерот. Треба да се заборави на тоа дека мажите се предатори и дека тие повеќе сакаат сексуално задоволство по секоја цена отколку жените.

Е. Д. | Црнобело