Која е причината што на голем број жени им е некомфорно за време на секс?

Болка и непријатност за време на сексот, глумење оргазам и несвесност на партнерот дека тие воопшто не се задоволни е секојдневие на многу жени.

Многу жените искусуваат болен секс, откри едно ново истражување спроведено на 1.200 испитанички во Велика Британија од страна на една компанија за презервативи.

Една третина вели дека болката им го намалува либидото и една од 10 жени вели дека таа негативно влијае на нивната врска со партнерот.

Но, мал дел од мажите забележале дека на нивната партнерка ѝ е некомфорно при сексот.

Една од најчестите причини за некомфорноста при сексот кај жените е сувоста на вагината и тоа погодува од 20 до 40% од жените на возраст од 17 до 50 години. Сувоста се појавува поради намалено ниво на хормонот естроген во женското тело што води до иритација, чешање и намалена еластичност, па со тоа и некомфорен секс.

Многу жени се срамат да зборуваат за ова со нивните партнери, а понекогаш проблемот лежи токму во односот на партнерот, незадоволителната предигра итн. Дури 42% од жените изјавиле дека причината е што не биле возбудени доволно.

Проблемот може да биде и поради хормонални проблеми како на пример при доење или земање на одреден вид контрацепција.

Се разбира, сувост на вагината најчесто се јавува кај жените во менопауза затоа што во нивните јајници повеќе не се произведува естроген.

Едно од најлесните решенија за проблемот е лубрикант базиран на масло за време на сексот. Целото искуство ќе биде многу попријатно.

Но, задолжително е и да се разговара отворено со партнерот и да му се каже што точно би требало да прави за да ве задоволи. Тој можеби воопшто не е свесен дека вие не уживате во сексот. Бидете комфорни во врска со своето тело, самоуверени и отворено кажувајте што ви одговара, а што во креветот.

С. С. | Црнобело