Од картички за повик и корсети - до гламурот и манирите: Историјата на флертувањето низ годините

Луѓето секогаш наоѓале инвентивни начини во потрага кон љубовта. Кога зборуваме за историјата на флертувањето, се чини дека денешните проблеми се слични на оние од триесеттите години на 20-от век, па дури и на оние од 18-от век. 

Од грижа за финансиската положба на партнерот до убедувањето на родителите дека тој/таа е вистинската личност за нас. Начинот на кој се обидуваме да најдеме љубов може да се промени, но не и надежите, соништата и копнежите кои одат рака под рака.

Откако ќе бидете соодветно стилизирани, треба да го добиете вниманието на личноста која ви се допаѓа. За ова, се разбира, најдобрата алатка отсекогаш бил танцот.

Од викторијанските балови до фокстрот во 1920-тите години, оваа експресија ретко кога била промашување.

Но ако не знаете да танцувате, духовит разговор и добрите манири влегуваат како адекватна замена. Состаноците со дамите на улиците на викторијанската Англија делувале речиси како бизнис.

Според бонтонот дамите секогаш требале да бидат први претставени на мажите, никогаш обратно.

Викторијанците од средната класа имале комплициран ритуал за додворување. Доколку сакате да одите на посета кај некој, требало да се држите до строгите етички правила. Дури и кога ќе успеете да го привлечете вниманието на вашата потенцијална љубов, никогаш нема да останете без надзор.

Викторијанците имале сопствена верзија на Инстаграм, разменувајќи ги „carte de visites“, малите портрети кои, исто така, можеле да бидат и слики од познати личности и аристократи.

Овие слики биле разменувани при флертувањето, но служеле и како средство за потврдување на нечиј социјален статус. Се користеле и картички за повик на кои биле напишани различни понуди.

Можеби најголемото изненадување во историјата на флертувањето е забранување на предбрачниот секс, кој често бил норма за повеќето луѓе. Во тоа време се користеле и кондоми, кои можеле да бидат измиени со карболичен сапун.

Долго време пред апликациите како што е Тиндер, луѓето се запознавале на патувањата. Кога возот влезе во секојдневна употреба, во средината на 19-тиот век, многу луѓе почнале да патуваат, a жените ги делеле слабо осветлените купеа со мажите.

Во меѓувреме, велосипедот ги подобри романтичните можности. Спротивно на трициклот, велосипедот бил првиот начин на транспорт кој жената можела да го користи независно од мажите.

Кога зборуваме за почетокот на 20-от век, можеби очекуваме пореални услови и пореални очекувања, но се чини дека луѓето секогаш ќе го идеализираат гламурот.

Со создавањето на колумни во 1920-тите и развивањето на кината во 1930-тите, се развива и стремежот на луѓето да се оженат/омажат со најбогатите и најубавите луѓе.

Денес, со повисокиот животен стандард и пониските трошоци за облека и козметика, би требало да е полесно да се пронајде партнер. Иако живееме во нарцисоидна, самоопседната култура, ние не сме првата генерација која била толку загрижена за надворешниот изглед.

Што се однесува до иднината на љубовните состаноци едно нешто е сигурно, флертувањето ќе ни стане омилено глобално хоби, доколку веќе не е, а луѓето ке измислуваат нови трикови за освојување на нивните недостижни симпатии.

Ашера | Црнобело